૨ Yet Junior

જ્યારે મિત્રો સહુ પરણીને પત્ની સહ ઘૂમતા’તા,

ત્યારે હું કો બગ સમ બની માછલી ઢૂંઢતો’તો.

મિત્રો કે’તા ઝટકર હવે વાર શાની લગાડે,

તારા પે’લા પરણી જઇને ક્યારની વાટ જોતા.

આવી રીતે સમય વીતતાં જો રહ્યો તું કુંવારો,

તો તો તારી કરૂણામયી આ જિંદગી શે જવાની?

તારાથી ય જુનિયર અને ઉંમરે ને જીવનમાં,

જો ને કેવા સિનિયર બન્યા? તો હવે જાગ તું.

“મિત્રો મારા શ્રવણ કરી લો કે જ થોડા દિનોમાં

પત્ની સાથે ભ્રમણ કરવા સાથ આવીશ તમારી

ત્યારે સૌએ જુનિયર મટી મ્હાલશું જિંદગીમાં,

સૌએ સાથે યુગલ મહીં ત્યાં ઘૂમીશું ભેદ ભૂલી.

અંતે જ્યારે સમય વીતતાં માછલી કો’ મળી ગઇ,

ત્યારે મિત્રો જનક બનીને ઘૂઘરા ઢૂંઢતા’તા.